Skip to main content

খোজ



অৱশেষত ছয়িদুল পালেহি। আমি কেইটাই সি অহালৈ বাট চাওঁতে চাওঁতে ডিঙিৰ হাড় বেঁকা কৰি দিলোঁ, সি আকৌ আহোতে এনেদৰে খোজ দিছে যেন এইমাত্ৰ ঘৰৰ পৰা নকইনাক উলিয়াই দিছে আৰু কান্দি কান্দি কইনাই যাওঁ নাযাওঁকৈহে খোজ দিছে। সি আহি আমি বহি থকা ডাষ্টবিনটোৰ ওচৰ পায়হি মানে আমি তিনিটাই অৰ্থাৎ মই, হলৌ আৰু ইস্মাইলে উঠি নিজৰ নিজৰ ঝাড়ু কেইডাল হাতত তুলি ল'লো। ছয়িদুলেও সেই খোজতে আহি আমাৰ ওচৰ পাই নিজৰ ঝাড়ুডাল হাতত তুলি ল'লে।
আমি চাৰিওটাই বৰনগৰৰ ৱাৰ্ড নং দুইৰ এন ডি গলিৰ সকলো ডাষ্টবিন তথা নৰ্দমা পৰিষ্কাৰ কৰা একো একোটা দিন হাজিৰা কৰা শ্ৰমিক। আমাৰ এতিয়াও চৈধ্য বছৰ হোৱা নাই কাৰণে আমাৰ নামৰ আগত শিশু শ্ৰমিক বুলি উপনাম এটা লাগে। কিন্তু মই তাক কেতিয়াও মানি ল'ব নিবিছাৰোঁ। বিশেষকৈ হলৌৰ ক্ষেত্ৰত সেই কথা কোনোমতেই খাপ খাব নোৱাৰে। সি আমাৰ গোটেই কেইটাতকৈ যথেষ্ট ওখ আৰু তাৰ পেশীবোৰ আটিল। গতিকে আমি এতিয়া শিশু হৈ থকা নাই আৰু। তাতে "শিশু শ্ৰমিক"? অসম্ভৱ।
"'ই কালি পইছা পালিনে?" ছয়িদুলে আহিয়েই প্ৰশ্ন কৰিলে। কালি আবেলি আমাৰ ছুটীৰ সময়। গতিকে ৰবাব টেঙাৰ ফুটবল খেলিছিলোঁ। এনে ক্ষেত্ৰত ছয়িদুল আগবঢ়া। কাৰণ বাহিৰা পইছা অলপ গোটাই তাৰ চৰ্দাৰ হোটেলত ভালদৰে এসাঁজ খোৱাৰ মন। গতিকে সি খেলত বাজী লগায়। জিকিলে পইচাটো সি ল'বই। কিন্তু হাৰিলে ফটকৰে ক'তনো অদৃশ্য হৈ যায়। কালিৰ খেলত আমি জিকিলোঁ।
গতিকে ছয়িদুলৰ আজি চৰ্দাৰ হোটেলত খানা। সেয়েহে আহিয়েই চিধা চিধি প্ৰশ্ন।
হলৌৱে তাক উভতি ধৰিলে,"তই কি সদায় গোটেইবোৰ পইছা লৈ যাবি আৰু আমি খেলি খেলি ভৰি ভাঙি থাকিম নেকি? আজি যদি আমাক নিনিয় খাবলৈ তোৰ মুখ ভাঙি গুৰি কৰি দিম।" হলৌৱে তাক যেন ঝাড়ুডালেৰে মাৰিবই। হলৌ দেখাত কিছু ডাঙৰ আৰু শক্তি বেছি বাবে ছয়িদুল আমাৰ কেপ্তেইন যদিও তালৈ সি ভয় কৰে। গতিকে সি তাক বুজাবলৈ বুলি তাৰ মাতটো কিছু নৰম সুৰত উলিয়াবলৈ ল'লে। ঠিক তেনে সময়তে জীপখন লৈ আমাৰ 'বাবু' পালেহি। লগে লগে য'ৰ কথা ততে এৰি আমি যেন একো কৰাই নাই, কেৱল কামহে কৰিছোঁ, তেনে ভাৱত ঝাড়ু মাৰিবলৈ ধৰিলোঁ। জীপখন লাহে লাহে আহি আমাৰ ওচৰ পালেহি। ডিঙিত শিকলিৰ নিচিনা কিবা এডাল পিন্ধা মোছ থকা বাবুক দেখিলে বুকু ধপধপাই যায়। তেওঁ অলপ ৰৈ কাম চালে। কিন্তু ছয়িদুলৰ ভাগ্য আজিও বেয়া, সি আগৰ কেইদিনো কাম ভালকৈ নকৰাৰ বাবে থাপৰ খাইছেই। আজি আকৌ বাবুৰ হাতৰ আঙুলিত ওলমি থকা কঠিন আঙুঠি কেইটাৰ দাগ তাৰ মুখত পৰিল। সি প্ৰায় কন্দনামুৱা হৈ পৰিল। পৰিস্থিতিৰ হঠাৎ পৰিৱৰ্তনৰ লগত খাপ খাবলৈ আমিও হৈ পৰিছিলো নিৰুপায়। আমি তালৈ কেৱল সান্তনাৰ দৃষ্টিহে দিব পাৰিলোঁ।
বাবু হৈছে আমি যাৰ অধীনত কাম কৰোঁ। আচল নামটো কি সেই কথা আমি কোনেও নাজানোঁ। ঘৰত যেতিয়া খাবলৈ নাপাই এদিন ৰাস্তাত মাৰ্বল খেলি আছিলোঁ, তেওঁ আহি আমাক গাড়ীত ফুৰাম বুলি কৈ লৈ আহিল। তেতিয়াৰ পৰা দিনৰ দিনটো কাম কৰি তেওঁৰ পৰা আমি গধূলি আমাৰ ন্যূনতম প্ৰাপ্য ভিক্ষা খুজি ল'ব লাগে।
বাবু যোবাৰ পিছত আমি ছয়িদুলৰ ওচৰ পালোগৈ। তাৰ ৰঙা পৰা চকু দুটাৰ লগতে আঙুলিৰ দাগ পৰা গালখন মোহাৰি সি ঝাড়ুডালতে ভেজা দি ৰৈ আছিল। বিনোদে কৰবাৰ পৰা পানী অলপ আনি তাৰ গালে মুখে ছটিয়াই দিলে। মই মোৰ প্ৰাথমিক বিদ্যালয়ত পোৱা সীমিত জ্ঞানেৰে তাক সান্ত্বনা দিবলৈ ধৰিলোঁ।
সেইদিনা গধূলিলৈ আমাৰ চাৰিওটাৰে মন বেয়া। বাজীত পোৱা টকাৰে চৰ্দাৰ হোটেলত খোৱাটো নহ'লেই, আনকি আমি আমাৰ মজুৰি আনিবলৈও ন'গলো। পানী আৰু বিস্কুট খাই ছয়িদুল শুই পৰিল। আমি কেৱল নীৰৱ দৰ্শকহে হ'ব পাৰিলোঁ।
পাছদিনা আমাৰ বাবে এক নতুন প্ৰত্যাহ্বানে থিয় দি আছিল। পেটত জুই, বাবুৰ গালি, চৰ, ভুকু-সকলোৱে যেন এক বিৰাট দৈত্যৰ ৰূপ লৈ আমাক ৰাক্ষসে খেদা দি খেদিছিল। কিন্তু ছয়িদুল? সি যেন এটা দানৱহে। চাৰি পাঁচ দিন একেলেথাৰিয়ে চৰ খাই তাৰ ওখহা গাল, ৰঙা পৰা চকু, শোটোৰা শোটোৰ চুলিৰে সি যেন এটা বেলেগ ছয়িদুল। কামলৈ আজি আহিয়ে সি বেলেগ ৰূপ ধাৰণ কৰিলে। আমাৰ প্ৰাথমিক কাম হ'ল ৱাৰ্ডৰ সকলোখিনি জাবৰ জোঁথৰ আনি আমি কাম কৰিবলৈ আহি সদায়ে অলপ সময় জিৰণি লবলৈ বহি থকা ডাষ্টবিনটোত গোটাই থোৱা। ছয়িদুলে আজি আহিয়েই অথনিৰে পৰা আমিকেইটাই পেটত ভোক লৈ লৈয়েই গোটাই থোৱা জাৱৰখিনি তেনেই থান বান কৰি পেলালে। তাৰপাছত নৰ্দমাৰ সব জাৱৰ আনি ৰাস্তাত সিঁচৰতি কৰি পেলালে। ৱাৰ্ডৰ প্ৰত্যেকজন বাসিন্দাই তাৰ কাৰ্যত ক্ষুণ্ণ হোৱাৰ লগতে আচৰিতো হ'ল। আমি কেইটাই তাৰ ৰুদ্ৰমূৰ্ত্তিত ভয় খাই এচুকত ৰৈ থাকিলোঁ। তাৰ কাণ্ডত ৱাৰ্ডৰ মানুহ কেইজনমানে ছাগৈ বাবুক খবৰ দিয়াইছিল, গতিকে অলপ সময় পাছতে বাবুও আহি পালেহি। তেওঁ যেন প্ৰস্তুত হৈয়ে আহিছিল, হাতত এডাল লাঠি। সি তেতিয়া ৱাৰ্ডৰ চাইনবৰ্ডখন নমাবলৈ যো-জা কৰিছে। আমি তিনিওটাই তাক বাধা দিবলৈ চেষ্টা কৰিলোঁ। কিন্তু তাৰ গাত যেন হলৌ, ইস্মাইলতকৈ বহুত বেছি বলহে গোট খাইছে। ইতিমধ্যে বাবু আহি তাৰ ওচৰ পালেহি আৰু তাৰ গাত লাঠিৰে পূৰ্ণহতীয়া কোব এটা সোধালে। সি তেতিয়াও যেন দুখ পোৱাই নাই। গুৰু গোঁসাই নামানি সি চাইনবৰ্ডখন আকৌ নষ্ট কৰাৰ চেষ্টা চলালে। এইবাৰ বাবুৱে তাক চুলিত ধৰি আনি সি ৰাস্তাত সিঁচৰতি কৰি থোৱা জাৱৰখিনিত বগৰাই লাঠিৰে যিমান পাৰি, সিমান জোৰকৈ কোবাবলৈ ধৰিলে। সি উঠিব নোৱাৰা হ',যন্ত্ৰণাত কেঁকাই তাতে পৰি ৰল।
তাৰ বল,শক্তি শেষ হৈ গ', কিন্তু তাৰ দুৰাৱস্থা দেখি জাগ্ৰত হৈ পৰিল আমাৰ মনবোৰ, আমাৰ তেজবোৰ হৈ পৰিল জুইতকৈও তপত। ইস্মাইলে তাৰ হাতৰ ঝাড়ুডালেৰে পাছফালৰ পৰা গৈ বাবুক একমাৰ সোধালে। লগে লগে আমি কেইটাও হাতত যিহকে পাওঁ তাকে লৈ বাবুক আক্ৰমণ কৰিলোঁ। তাৰ লগত যোগ হ'ল আমাৰ পেটৰ জ্বালা, শ্ৰমিক হোৱাৰ বেদনা, লগৰীয়াৰ অসহ্য দুখ আৰু আমাৰ ন্যূনতম প্ৰাপ্যকণো খুজিবৰ বাবে আমাৰ লগত থকা সামান্য আত্মসন্মান হেৰুওৱাৰ বেদনা। আটাইকেইটাই হেঁপাহ পলুৱাই যোৱাকৈ বাবুক লঠিয়াই, গুৰিয়াই ক্ষোভ উজাৰিলোঁ। ইস্মাইলে বাবুৰ প্ৰকাণ্ড শৰীৰৰ ওপৰত জাবৰ জোঁথৰ ছটিয়াই তেওঁৰ আধামৰা প্ৰাণটোক যেন সমাধিহে দিলে। ৱাৰ্ডৰ প্ৰতিজন সদস্যই ইমান সময়ে টু শব্দ এটাই উচ্চাৰণ কৰা নাছিল, আমি বাবুৰ তেনেকুৱা অৱস্থা কৰাৰ পাছতো আমাৰ ৰুদ্ৰমূৰ্তি দেখিয়ে হওক বা নলগা জেঙত লাগিবৰ মন নথকাৰ বাবেই হওক, কোনেও একো নকলে, মাথোঁ কুৰুক্ষেত্ৰখন উপভোগ কৰিলে।
আমি আটাইকেইটাই ধৰাধৰিকৈ ছয়িদুলক উঠাই দিলোঁ। তাৰ উখহা গালখনেদি দুটোপাল চকুলো বৈ আহিল। সকলোৰে আনন্দাশ্ৰু ওলাল। কাৰণ আজিৰ পৰা আমি আমাৰ ন্যূনতম প্ৰাপ্যকণ খুজি আমাৰ আত্মসন্মান হেৰুৱাব নালাগে, আমি স্বাধীন। আটাইকেইটাই উঠি আমাৰ নতুন যাত্ৰাত খোজ পেলালোঁ। কৈশোৰৰ দুৱাৰদলিত আমাৰ প্ৰথম খোজ।

আজিৰ পৰা আমি শিশু শ্ৰমিক নহয়।  

Popular posts from this blog

মাতৃভাষা আৰু আমাৰ দায়িত্ব

Photo Source:  www.bragitoff.com অসমীয়া ভাষাৰ ব্যৱহাৰ আৰু বিদ্যালয়ত অসমীয়া ভাষা শিক্ষণ মাধ্যম হোৱাৰ ক্ষেত্ৰত ইতিমধ্যে যথেষ্ট বাদানুবাদ আৰম্ভ হৈছে আৰু এই সন্দৰ্ভত সকলোৱে একমত হ ' ব পৰাকৈ যিকোনো এটা সিদ্ধান্ত এতিয়ালৈকে আৱিষ্কাৰ হোৱা নাই(হয়তু নহব) । অসমীয়া ভাষাৰ প্ৰচাৰ , ব্যৱহাৰ , অসমৰ শিক্ষাৰ মাধ্যম হিচাপে কেৱল অসমীয়া ভাষাৰ ব্যৱহাৰ কৰা আদিবোৰ সততে সংবাদ মাধ্যমৰ শীৰ্ষস্থান অধিকাৰ কৰা দেখিবলৈ পোৱা গৈছে।   প্ৰত্যেক বছৰে মেট্ৰিকৰ ফলাফল ঘোষণা কৰাৰ পাছত বাতৰিকাগজৰ শিৰোনামবোৰেও (উদাহৰণস্বৰূপে ব্যক্তিগত খণ্ডৰ ইংৰাজী মাধ্যমৰ জয়যাত্ৰা) এইক্ষেত্ৰত এক ভূমিকা বহন কৰা দেখা যায়। পোনপ্ৰথমে আমি ইংৰাজী ভাষাৰ আগ্ৰাসনৰ কথাকে যদি চাবলৈ যাওঁ , ইয়াৰ মূলতে হ ' ল ইংৰাজসকলৰ সমগ্ৰ বিশ্বত উপনিৱেশ স্থাপনৰ যি প্ৰক্ৰিয়া , তাৰ ফলত প্ৰায় সৰু বৰ সকলো দেশতে এই ভাষাৰ প্ৰচলন আৰু ফলাফলস্বৰূপে বিশ্বৰ প্ৰধান ভাষা হিচাপে এতিয়া ইংৰাজী ভাষাৰ সিংহাসন লাভ। প্ৰায়সংখ্যক দেশৰে প্ৰধান ভাষা( official language) হিচাপে ইংৰাজী ভাষা ব্যৱহাৰ হৈ আহিছে আৰু শেহতীয়া তথ্যমতে সমগ্ৰ বিশ্বৰ দুই মিলিয়ন লোকে তথ্যৰ আদান প্ৰদা

প্ৰিয়বন্ধু

Photo source: http://srzimmartist.blogspot.com (ৰচনাকালঃ ২০০৯) ঘণ্টাটো পৰাৰ লগে লগে গোটেই শ্ৰেণীটোৱেই প্ৰাণ পাই উঠিল। সকলোৱে চিঞৰ বাখৰ কৰি বাহিৰলৈ ওলাই গ'ল যদিও এজন তাৰ ব্যতিক্ৰম। ভালকৈ লক্ষ্য কৰিলে দেখা যায় যে দুচকুত অশ্ৰুৰ জিলিকণি, উদাস মুখৰ ভাও দি থকা এজন ল'ৰা। কিছুসময় পাছতঐ তালৈ এজাক ছোৱালীৰ আগমণ ঘটিল। সিহঁতৰ উশৃংখল হাঁহি, মন্তব্যবোৰে ল'ৰাটোৰ চকুপানীৰ নৈখন খৰস্ৰোতা হোৱাতহে সহায় কৰিলে। নাম তাৰ বৰুণ। শ্ৰেণীৰ আটাইতকৈ শান্ত ল'ৰা। শান্ত মানে একেবাৰে মুখৰ পৰা মাত নোলায়েই। কিন্তু তাৰ মনটো বৰ বহল। শ্ৰেণীৰ সকলো শিক্ষকৰে প্ৰিয়পাত্ৰ সি। তাৰ নম্ৰ, ভদ্ৰ আচৰণে তাক বিপদত নেপেলোৱাও নহয়। বিশেষকৈ, শ্ৰেণীৰ উৎপতীয়া কেইবাটাও ল'ৰাই তাৰ চৰিত্ৰ নষ্ট কৰাৰ চেষ্টা চলায়েই থাকে। কিন্তু তৰোৱালতকৈ কলম সদায় শক্তিশালী। তাৰ চৰিত্ৰ নামে বগা কাজগখিলাত সি ধূলিকণা এটাও পৰিবলৈ নিদিয়ে। শ্ৰেণীত তাৰ স্থান চতুৰ্থ। স্থানক লৈ সি কোনোদিনে গৰ্ব কৰা নাই আৰু তাক দেখিলে এনে লাগে যেন সি সেয়া কৰাৰ প্ৰয়োজনবোধো কৰা নাই। সময়মতে স্কুললৈ আহি শিক্ষকৰ নিৰ্দেশানুসৰি নিয়মমাফিক কৰ্ত্তব্যসমাপন কৰি সি

আকাশবাণী

     সৰুতে ৰাতিপুৱা শুই উঠাৰ পৰা ৰাতি ভাত খোৱাৰ পৰলৈকে যদি কিবা এটা বস্তু একেৰাহে আমাৰ লগত লাগিয়ে থাকে বুলি কবলৈ যাওঁ , নিশ্চয়কৈ তাৰ ভিতৰত ৰেডিঅ ' ৰ নামটোও সংলগ্ন কৰিব লাগিব। আজিকালিৰ ছাত্ৰ-ছাত্ৰীসকলৰ কথা নাজানো , কিন্তু মই হোষ্টেল অহাৰ আগলৈকে নিয়মীয়াকৈ ৰেডিঅ ' ৰ অনুষ্ঠান উপভোগ কৰিছিলোঁ। প্ৰকৃততে ৰেডিঅ ' শুনাটো একপ্ৰকাৰৰ বাকীবোৰ দৈনন্দিন কামৰ দৰেই আছিল। আমাৰ অঞ্চলত গুৱাহাটী আকাশবাণী কেন্দ্ৰৰ অনুষ্ঠানসমূহ সম্প্ৰচাৰিত হোৱাত অসুবিধা হৈছিল(দূৰত্বৰ বাবে) আৰু আমাৰ ৰাতিপুৱাবোৰ আৰম্ভ হৈছিল ডিব্ৰুগড় আকাশবাণী কেন্দ্ৰৰ পৰা সম্প্ৰচাৰিত ৰাতিপুৱাৰ অনুষ্ঠানসমূহৰ জৰিয়তে। এক বিশেষ সুৰ ধ্বনিৰ জৰিয়তে কেন্দ্ৰৰ প্ৰত্যেকখন অধিৱেশন আৰম্ভ হৈছিল।

মোৰ নৱছাত্ৰাবাস

“ মই অহাৰ লগে লগে সাউতকৈ উঠি গৈ ফুল ছাৰ্টটো পিন্ধিলি যে ? হা ? গৰম উঠা নাই নেকি ?” “ ছাৰ হ ’ ব , একো নহয় । ইমান গৰমো   উঠা নাই ” “ অ , হ ’ ব বাৰু । ইয়াত থাকি পঢ়া শুনা কৰিবলে খালি নেপাহৰিবি । ঢকুৱাখনাৰ পৰা পঢ়িবলে আহিছ , পঢ়িবি , কিবা অসুবিধা পালে মোক কবি , ৰাকেশ পৰাণক কবি ” । ৰাকেশ পৰাণ মানে হোষ্টেলৰ সেইসময়ৰ মণিটৰ ৰাকেশদা আৰু পৰাণদা । ৰাকেশদা মোৰ ৰুমমেটো আছিল । নিজৰ কোঠাৰ পৰা বাহিৰলে ওলালেই তথা ৰূমলে কোনোবা ছিনিয়ৰ আহিলে যাতে আমাক ফুলছাৰ্ট আৰু লংপেণ্ট পিন্ধা দেখা পায় , তেনেকুৱা এটা কটকটীয়া নিয়মে আমাক সকলোক বান্ধি থৈছিল । জুন মাহৰ শেষ দিন । ইমান সময়ে যেনতেন সহ্য কৰি অধীক্ষক ড০ বিমান চেতিয়া ছাৰে কথাখিনি কৈ মোৰ ৰুমৰ দুৱাৰখন পাৰ হোৱাৰ লগে লগেই ছাৰ্টটো খুলি পেলাই ফেনৰ তলত বহি পৰিলোঁ ।

অসমীয়া ভূচিত্ৰাৱলী

---চন্দ্ৰমা দুৱৰী বৰগোহাঞি--- ২০১৮ চনৰ ৪ ফেব্ৰুৱাৰীৰ দেওবৰীয়া বিচিত্ৰাত ৰবেন্দ্ৰ কুমাৰ দাসদেৱৰ ভূচিত্ৰাৱলীৰ বৰ্ণনাই আমাকো লৈ গ'ল দূৰ অতীতৰ তৃতীয় চতুৰ্থ পঞ্চম শ্ৰেণীত অঁকা আমাৰ চিৰচেনেহী জন্মভূমি অসমৰ মানচিত্ৰখনলৈ। ১৯৬৭ চনত যেতিয়া ৩য় শ্ৰেণীৰ বৃত্তি পৰীক্ষা দিবলৈ বাচনিভুক্ত হলো, ভূগোল বিষয়ত নিজ জিলাৰ এখন মেপ আঁকি জিলাৰ সদৰ ঠাই, নদী আদি বহুৱাবলৈ আহিছিল। তাৰ পাছত অসমৰ মেপ খন আকিবলৈ আমাক শ্ৰ্দ্ধাৰ গগন চেতিয়া ছাৰে শিকাইছিল। দাসদেৱে কোৱাৰ দৰে প্ৰথমে মেপখনৰ চাৰিসীমা জুখি স্কেলৰ সহায়ত সমান সমান জোখত বৰ্গক্ষেত্ৰ  আঁচ দি মেপখন আঁকিবলৈ শিকাইছিল। তাৰপাছত জিলাৰ সদৰ ঠাই, তেলৰ পুঙ থকা ঠাই, নদী আদি বহুৱাবলৈ দেখুৱাই দিয়ে। বিদ্যালয়ত থকা অসমীয়া ভূচিত্ৰাৱলীখনৰ পৰা ছাৰে মেপত থকা জিলাৰ সদৰ ঠাই, উত্তৰবাহিনী-দক্ষিণবাহিনী নদীবোৰ, তেল শোধনাগাৰ থকা ঠাইৰ নামসমূহ লিখি মেপত বহুৱাই আনিবলৈ দিয়ে। ঘৰত আহি ককাইদেউহঁতক খাটনি ধৰোঁ ভূচিত্ৰাৱলী এখন লাগে নিজাকৈ। ককাইদেউ বাইদেউহঁতৰ ভূচিত্ৰাৱলী বিলাক সিহঁতক দৰকাৰ হোৱাৰ বাবে দেউতাই নতুনকৈ মোক এখন ভূচিত্ৰাৱলী কিনি দিছিল। বিদ্যালয়লৈ আনিলে ভূগোল পিৰিয়ডত আটাইয়ে লগ হৈ ভূ

প্ৰতিধ্বনি

পল্লৱীয়ে যদি আগতে স্কুললৈ যোৱাৰ আগতে মাকক কয় , মই বইল কৰা কণী খাবলৈ বেয়া পাওঁ , মোক ভাজি দে , মাকে ক ’ ব বায়েৰে দেখোন একোতে অজুহাত দেখুৱাই নেপায় , তইনো কেনেকৈ ইমান আলসুৱা স্বভাৱৰ হলি । আৰু তাৰ পাছত তাই বইল কৰা কণীটো খঙতে নি পকা মজিয়াত পেলাই দিলে কণীটো খাব পৰাও হৈ থাকে , মজিয়াখনো নাভাঙে আৰু অৱশেষত গৈ তাই ভাজি কৰা কণীও খাবলৈ নাপায় । পাছত বায়েক বসুন্ধৰাই নিজৰ ভাগৰটো তাইক দি দিয়ে আৰু তাই মজিয়াত পৰাটো খায় । কলেজ পোৱাৰ পাছত বজাৰলৈ অথবা ক ’ ৰবালৈ ওলাই যাবলৈ হ ’ লে মাকক নিবলৈ দেউতাকৰ স্কুটিখন কোনে চলাব ? পল্লৱীয়ে কেইবাদিনো মুখ ওন্দোলাই , পিন্ধিবলৈ বুলি আনি লোৱা চেণ্ডেল দলিয়াই মেলি চালে , কিন্তু মাক সদায় ডাঙৰ জীয়েক বসুন্ধৰাৰ লগতহে যাব । স্কুটি চলাব পাৰিলে বুলিয়ে কি হ ’ ল ? পল্লৱী সৰু ছোৱালী । বইল কৰা কণী খালে যে তেলত ভজাতকৈ বেছি শক্তি পোৱা যায় , সেয়া বুজি নোপোৱা সৰু ছোৱালী । বসুন্ধৰাই সেইবোৰ বুজি নাপায় । তাইৰ দীঘল চুলিকোছা দুডাল বেণী কৰি মাকে আঁচুৰি দিয়ে , তাই মাকৰ চৰণ চুই স্কুললৈ যায় । কলেজত নামভৰ্ত্তি কৰাৰ পিছত তাই বেণী গুঠিবলৈ এৰিলে , চুলিকোছা আৰু অলপ দীঘল হ ’ ল । তাইৰ

দ্য নিউ গাৰ্ল ইন দ্য চিটী

---প্ৰিয়ম দি জ্যোৎস্না---  (১)  "হাজাৰজনৰ দৰে ময়ো যেতিয়া মুম্বাইলৈ আহিছিলোঁ, তেতিয়া নিজৰ বয়-বস্তুবোৰৰ সৈতে কিছুমান সপোনো বান্ধি আনিছিলো। তাৰ ভিতৰত আটাইতকৈ ডাঙৰ সপোনটো আছিল--এগৰাকী লেখক হোৱাৰ সপোন। যেতিয়া মোক এই প্ৰৱন্ধটো লিখিবলৈ কোৱা হৈছিল, তেতিয়াই হয়তো মোৰ সপোনটো বাস্তৱলৈ ৰূপান্তৰিত হ'ল। কিন্তু অশেষ চেষ্টাৰ পিছতো মই এই প্ৰৱন্ধটো লিখিবলৈ পৰা নাছিলোঁ। প্ৰতিবাৰেই লিখিবলৈ লওঁতে এনেকুৱা লাগিছিল যেন বহু কথা থাকি গৈছে। এই চহৰখনৰ বিষয়ে এনেকুৱা কি ক'ম যি আজিলৈকে কোনেও কোৱা নাই! সেইকাৰণে জমা দিয়াৰ এৰাতিৰ আগত প্ৰৱন্ধটো মই ফালি পেলালো আৰু পুনৰ লিখিবলৈ আৰম্ভ কৰিলো।       কেৱল দুমাহতে এক অদ্ভুতধৰণৰ প্ৰেম হৈ গ'ল এই চহৰখনৰ সৈতে। চহৰখন মোৰ আপোন যেন লগা হ'ল। ইয়াৰ কাৰণ কি হ'ব পাৰে? মোৰ নতুন উৎসাহমূলক চাকৰিটো ,মোৰ সৰু ফ্লেটটো নে মোৰ স্বাধীনতা? এই চহৰখনে এনেকুৱা কি দিছে মোক , যি মোৰ আপোন হৈ পৰিছে? প্ৰকৃততে উত্তৰটো বহুদিন ধৰি মোৰ চকুৰ সন্মুখতে আছিল, কিন্তু মইহে ধৰিব পৰা নাছিলোঁ। মুম্বাইলৈ আহিয়েই প্ৰথম ৰাতি মই কাৰোবাক লগ পালো। এজন ল'ৰাক। বন্ধু, ৰূ

হৰ্ষাভোগলে অথবা ছেহৱাগহঁতৰ কথাৰে….

--- সুমন্ত সৌৰভ কাকতি --- অন্য জনপ্ৰিয় খেলতকৈ ক্ৰিকেট সময়ৰ দিশৰ পৰা কিছু দীঘলীয়া খেল , ছয়-চাৰি বা উইকেইৰ সঘন পতন নঘটিলে ক্ৰিকেট সাধাৰণতে বিৰক্তিকৰ আৰু আমনিদায়ক হৈ উঠে , কিন্ত সেইসময়তে পোনপটীয়া সম্প্ৰচাৰৰ হিন্দী ভাষাৰ কমেণ্ট্ৰি বস্কৰ মাইক্ৰফোণত বাজি উঠা ” চিপছ কা পেকেট অঔৰ ৰবীন্দ্ৰ জাডেজা কা অভাৰ কব খতম হো জ্যায়ে পতা নহী চলতা” “প্যায়াৰ মে ডুবা হুৱা লড়কা , চায় মে ডুবা হুৱা বিস্কুট অঔৰ বিনা ৰাণ কে বেটছমেন কিছি কাম কা নহী ” বা “ইয়ে ইতনা আছান কেটচ থা কি শ্বোলে কা ঠাকুৰ ভি ইছে পকড় চকতা থা ” ( শ্বোলে চিনেমাৰ ঠাকুৰৰ দুয়োখন হাতেই নাছিল ) ,”পাকিস্থান কো গোলী চে নহী কোহলী চে ডৰ লগতা হ্যায় ” খঙাল বিৰাট কোহলিৰ চমৎকাৰ প্ৰদৰ্শনত সন্মোহিত হৈ কোৱা ” বিৰাট কা তেৱৰ মানো সোণে কা জেবৰ ( অলংকাৰ) “ফটে কলাৰ অঔৰ পিতে হুৱে বলাৰ কো ক্যোয়ী ইজ্জত নহী দেতা ” বা চেতেশ্বৰ পূজাৰাক দীৰ্ঘসময় ক্ৰীজত অতিবাহিত কৰাৰ বাবে উদ্দেশ্যি কোৱা” ইয়ে জীয়েন্দী না মিলেগী পূজাৰা ” ইত্যাদি অনেক ধৰণৰ খুহুতীয়া আমোদজনক ওৱান লাইনাৰ বোৰে বিৰক্তিকৰ খেল এখনতো দৰ্শকক আনন্দ দিয়াৰ লগতে মনোযোগ পুনৰবাৰ আকৰ্ষণ কৰিবলৈ সক্ষম হয় । আৰম্ভণিৰ অভাৰট

ইত্যাদি

(ৰচনাকালঃ ২০ ১১ ) বহুদিনৰ মূৰত মোৰ বাবে এটা আবেলি সম্পূৰ্ণ একান্ত ব্যক্তিগতভাৱে ওলাই পৰিল। স্কুলীয়া জীৱনৰ শেষ পৰীক্ষাটো দি উঠাৰ পাছত প্ৰকৃততে সকলোৰে ক’ত যাম, ক’ত নাযাম লাগে নেকি! মোৰো কাৰ্যতঃ একেই হৈছে। কি কৰোঁ কি নকৰোৰ উত্তেজনাত আৰু ঘৰৰ প্ৰৰোচনাত কেইদিনমানৰ বাবে খুড়াহঁতৰ ঘৰতে থাকি আহিলোগৈ। এতিয়া সেয়েহে বহুদিনৰ পিছত, বিহুৰ সময়তহে আজৰি হৈছোঁ আৰু সেই বাবে লগে লগেই মনজিতহঁতৰ ওচৰলৈ ঢাপলি মেলি আহিছোঁ। বিহুৰ সময়। এইকেইদিন গাঁৱত নাথাকিলো বুলিয়েই ইমান পৰিৱৰ্তননো হ’ব পাৰেনে? মহেন্দ্ৰ খুড়াৰ ঘৰৰ আগৰ গছ দুজোপাৰ ওপৰৰ ডাল-পাত কাটি দি গোটেইখন মুকলি কৰি ল’লে, ডিম্পলহঁতৰ আধৰুৱা পকাঘৰটো এতিয়া ৰং দিছে, কণহঁতৰ ঘৰৰ ওচৰতে এটা ডাঙৰ মাছ পুহিবৰ বাবে পুখুৰী খান্দিছে আৰু গাঁৱৰ ৰাস্তাটোতে এটা কালভাৰ্ট নিৰ্মাণ হৈ আছিল, সেইটো সম্পূৰ্ণ হৈ উঠিছে। মুঠতে এক বিৰাট পৰিৱৰ্তন। লাহে লাহে মই ৰাণাহঁতৰ ঘৰ পালোগৈ। আগফালে তাৰ ভনীয়েকে খেলি থকাৰ পৰাই মাত লগালে যে সি ইতিমধ্যেই ঘৰৰ পৰা অন্তৰ্ধান হৈছে। এইবাৰ আৰু মই পোনে পোনে পথাৰ পালোগৈ। কিন্তু মোৰ দুৰ্ভাগ্য যে খেল ইতিমধ্যেই আৰম্ভ হৈ গ’ল আৰু খেলৰ মাজত নতুনকৈ সোমাই খেলি

মাজ ৰাতি কেতেকী (Not a film review)

মাজ ৰাতি কেতেকী বোলছবিখন চালোঁ। প্ৰথমবাৰ, যেতিয়া তেজপুৰৰ পৰা ঘৰলৈ বুলি বাছত আহি আছিলোঁ, তেতিয়া। ঘৰৰ পৰা গুৱাহাটীলৈ যাবলৈ ভাল, এটা নিশাৰ বাট। লখিমপুৰ যাবলৈও ভাল, ডেৰঘণ্টা সময়ৰ প্ৰয়োজন। কিন্তু তেজপুৰলৈ যাবলৈ আমুৱাই যায়। দিনৰ ভাগত যাবলৈ হ’লে ৰাতিপুৱাই ওলাব লাগে, তেজপুৰ পায়গৈ প্ৰায় আঢ়ৈৰ পৰা তিনি বজাৰ ভিতৰত। গৰম দিন হ’লে সহ্যৰ সীমা কেতিয়াবাই পাৰ হৈ যায়। তাতে যদি বাছত মানুহ উঠাবলৈ পদূলিয়ে পদূলিয়ে ৰখায়, তেতিয়া কি কৰোঁ কি নকৰোঁ যেন হয়। এয়া কেৱল মোৰ অভিজ্ঞতাই নহয়, ভূক্তভোগী বহুত। অৱশ্যে ৰেলগাড়ীত যাব পাৰি, বাছযাত্ৰাতকৈ আৰামী হোৱাৰ লগতে ইমান আমনি নালাগে। কিন্তু তাতো মানুহৰ যি ভীৰ, যি হেঁচা ঠেলা, তাৰ ওপৰত আকৌ অপৰিষ্কাৰ পৰিৱেশ আৰু বেগৰ বস্তু চুৰি হোৱাৰ ভয়। গতিকে একেলগে কেইবাটাও গ’লে ৰে’লত যোৱাই ঠিক। সেইদিনা অকলেই তেজপুৰৰ পৰা বাছত আহিবলগীয়া হ’ল, গতিকে চিনেমাখন ওলিয়াই ল’লোঁ।